Бүгүн библиотекаҕа аҕам саастаахтар декадаларын чэрчитинэн «Уруһуйунан мин бэлэҕим» маастар кылааһы Лөгөй лицей-интэринээт уруһуйга учуутала Колесова Анастасия Михайловна кэлэн ыытта👍🏻👍🏻👍🏻 Кэлбит ыалдьыттарбыт күннээҕи түбүктэн сынньанан, аралдьыйан, ирэ-хоро кэпсэтэн бириэмэлэрэ биллибэккэ ааста.Анастасия Михайловна өҥнөрү хайдах дьүөрэлииргэ көрдөрөн, сүбэлээн, бары уруһуйдара табыллан, махтанан, үөрэн-көтөн тарҕастылар.
- Информация о материале
Алтынньы 2 күнүгэр Аҕам саастаахтар күннэрин алтан чуораан тыаһынан үөрүүлээхтик астыбыт. «Аал уот» салайааччыта Бурнашева У.И. өй-санаа үлэтэ чөл буоларыгар тарбаҕынан эрчиллиилэри оҥорорго үөрэттэ.Умнуган буолууну бопсорго, болҕомтолоох буолууга интэриэһи тардар араас тест- оонньуулар ыытыллыннылар.Агафья Перевалова түргэн өйүнэн араас суоттааһыннарга тэҥнээҕин булбата. Түмсүү бастыҥ ырыаһыта, аҕыс уончалаах эбээ, хос эбээ Людмила Олесова элбэх ырыаны билэрэ сөхтөрдө. Дария Бурнашева сытыы өйүнэн садаанньалары түргэнник толорорун хайҕаатыбыт.Түмсүүгэ сүрүннээн 70-80 саастаахтар кэлбиттэр. Билигин дойду доруобуйатын харыстабылыгар болҕомтоҕо ылыллар умнуган буолуу, түөһэйии тула кэпсэтии, сэрэтии сүбэлэрэ болҕомтону тартылар. Түмүккэ бэл, торуоскалары умнан туран, Надежда Лыткина таһаарыытынан оһуохайдаатылар.
- Информация о материале
Бу үлэ, үөрэх дьылыгар библиотекаҕа бастакы ыалдьыттар Лөгөй лицей-интернат интернатын 5,6,7 кылаас иитиллээччилэрэ буоллулар. Үбүлүөйдээх суруйааччы Д.К.-Сивцев - Суорун Омоллоон олоҕун, айар үлэтин туһунан библиотечнай урок ыытыллынна. Урокка оонньуулаах буолан оҕолор бэрт сэргэхтик кытыннылар.
- Информация о материале
Бэс ыйын 20 күнүгэр, аһаҕас улуустааҕы Олоҥхо ыһыаҕа - биир дойдулаахпыт олоҥхоһут Н.П.Бурнашев– Боодоҕос төрөөбүтэ 150 сылынан бэрт тэрээһиннээхтик ыытыллынна👍🏻👏🏼🙌🏻🌿🌿🌿.
"ОЛОҤХОБУТ ҮЙЭЛЭРИ УҤУОРДААН” быыстапка Кыһыл көмүс выпустар бэлэхтэригэр, сабыс саҥа тутуллубут балаҕаҥҥа, Боодоҕос олоҕун, айар үлэтин, , Кэптэни олоҥхоһут оҕолорун кэпсиир ис хоһоонноох дьону муста.
Бу олоҥхо түһүлгэтигэр “ОЛЛООННООН ОЛОРОН ОЛОҤХОЛУОХХА” олоҥхону толорууга күөн күрэс үрдүк таһымнаахтык ыытыллынна.
Арассыыйа үтүөлээх артыыһа, Аан дойду виртуоз-хомусчута П.П.Оготоев 65 сылынан "Хомуһуннаах хомусчут Бүөтүр Оҕотоойоп" быыстапка хомус түһүлгэтигэр турда. “ДЬҮРҮҺҮЙЭР ХОМУҺУМ” күрэххэ элбэх кыттааччы муһунна.
Маны таһынан "КЭРЭХСЭННИН ӨБҮГЭБИТ ҮЙЭЛЭЭХ ҮГЭҺЭ” Лөгөй нэһилиэгин уран тарбахтаахтара саха норуотун үгэстэригэр олоҕурбут уус-уран оҥоһуктарын көрдөрөр быыстапката дьон-сэргэ сэҥээриитин, кэрэхсибилин ылла.
"ОЛОҤХОБУТ ҮЙЭЛЭРИ УҤУОРДААН” быыстапка Кыһыл көмүс выпустар бэлэхтэригэр, сабыс саҥа тутуллубут балаҕаҥҥа, Боодоҕос олоҕун, айар үлэтин, , Кэптэни олоҥхоһут оҕолорун кэпсиир ис хоһоонноох дьону муста.
Бу олоҥхо түһүлгэтигэр “ОЛЛООННООН ОЛОРОН ОЛОҤХОЛУОХХА” олоҥхону толорууга күөн күрэс үрдүк таһымнаахтык ыытыллынна.
Арассыыйа үтүөлээх артыыһа, Аан дойду виртуоз-хомусчута П.П.Оготоев 65 сылынан "Хомуһуннаах хомусчут Бүөтүр Оҕотоойоп" быыстапка хомус түһүлгэтигэр турда. “ДЬҮРҮҺҮЙЭР ХОМУҺУМ” күрэххэ элбэх кыттааччы муһунна.
Маны таһынан "КЭРЭХСЭННИН ӨБҮГЭБИТ ҮЙЭЛЭЭХ ҮГЭҺЭ” Лөгөй нэһилиэгин уран тарбахтаахтара саха норуотун үгэстэригэр олоҕурбут уус-уран оҥоһуктарын көрдөрөр быыстапката дьон-сэргэ сэҥээриитин, кэрэхсибилин ылла.
- Информация о материале
Страница 1 из 20
