Лөгөй нэһилиэгэр 2024 сыл - ҮЙЭТИТИИ сыла. Ол чэрчитинэн, биһиги нэһилиэкпититтэн төрүттээх биллэр-көстөр ытык дьоммут туһунан түмүллүбүт ыстатыйалары таһаарабыт.ДЬОҺУН-МААНЫ ДЬОММУТ-ШЕПКИНЕЦТЭР
🔸БОРИСОВ БОРИС КОНСТАНТИНОВИЧ быйыл үбүлүөйдээх сыла🔸
Кини туһунан тахсыбыт бэрт интэриэһинэй ыстатыйалары бу сигэнэн киирэн ааҕыҥ.
https://kiinkuorat.ru/articles/boris-borisov-pushki-a-s-g-r-y-m-evgeniy-oneginy-noyosuus-biliim
Кини туһунан тахсыбыт бэрт интэриэһинэй ыстатыйалары бу сигэнэн киирэн ааҕыҥ.
https://kiinkuorat.ru/articles/boris-borisov-pushki-a-s-g-r-y-m-evgeniy-oneginy-noyosuus-biliim
- Информация о материале
Кэптэнигэ доруобуйаларынан хааччаахтаах дьон декадата үөрүүлээх арыллыыта буолла.Манна ыаллыы сытар Баатаҕай нэһилиэгиттэн уонна улуус кииниттэн инбэлииттэр уопсастыбаларын делегацията ыалдьыттаатылар.Кэптэнитээҕи "Сарыал" инбэлииттэр түмсүүтэ кэлбит ыалдьыттары алгыстаах алаадьынан, минньигэс быырпаҕынан айах тутан көрүстүлэр.Улуустааҕы инбэлииттэр уопсастыбаларын бэрэссэдээтэлэ Елизавета Васильева декада аһыллыытынан эҕэрдэлээтэ уонна инники соруктары торумнастылар.
Салгыы олохтоох музейы киирэн көрдүлэр.Музей үлэһитэ Екатерина Шарина экспонаттары, нэһилиэкпит историятын кэпсээн, мустубут дьон интэриэһин тарта. Ол кэннэ дьэ, хамаанда туруоран, сэттэ түһүмэхтээх күрэххэ сытыы киирсиилэри аастылар. Түмүккэ, 1м."Сардаҥа" Баатаҕай, 2м."Эрэл"улуус обществота, 3м. "Сарыал"Кэптэни ылары ситистилэр.Тэрийээччилэр библиотекарь Туяра Борисова, социальнай үлэһиттэр Наталья Винокурова, Динара Прядезникова кыайыылаахтарга эҕэрдэ, махтал тылларын эттилэр уонна грамота, торт туттардылар. Күрэх кэнниттэн толору астаах остуол тула олорон үөрэ-көтө кэпсэттилэр,ырыа ыллаан, хоһоон ааҕан бары да сэргэхсийэн, астынан тарҕастылар.
- Информация о материале
Улууска бастакы норуодунай бибилэтиэкэ тэриллибитэ үбүлүөйдээх сылын бэлиэтээһин чэрчитинэн "100 сыл кэрэни,сырдыгы саҕан" диэн нэһилиэктэринэн бибилэтиэкэ анал тэрээһинэ бу сааскыттан саҕаламмыта. Лөгөй нэһилиэгэр бу күһүн ыытыллынна.Улуустааҕы киин бибилэтиэкэ тиһигин дириэктэрэ Копырин Иван Данилович салайааччылаах делегация Хомустаах олохтоох бибилэтиэкэтигэр сылдьыбыта,салгыы Лөгөй лицей-интернатыгар библиотечнай уруоктары,Бүөтүр Оҕотоойоп аатынан сынньалаҥ киинигэр бэрт истиҥ көрсүһүүнү тэрийдэ. Бу сыллар тухары бибилэтиэкэ хайдах үлэлээн кэлбитин,сайдыбытын билиһиннэрдилэр,Кэптэнитээҕи бибилэтиэкэ үлэтин билистилэр, эҕэрдэ тыл да этиллиннэ,махтал суруктар да туттарыллыннылар, үөрүү-көтүү үксээтэ,ырыа-тойук да дьиэрэйдэ.
- Информация о материале
Страница 8 из 15
