1941-45 тыыннаахтар умнубат сыллара! Төһө да кэм аастын, ол кэмнэри көлүөнэттэн көлүөнэҕэ билиһиннэрэр, өйдөтөр, кэпсиир ытык иэспит. Улуу Кыайыы 80 сылынан ол кэмнэри, ытык дьоммутун өйдөөн-санаан ааһыаҕыҥ!
Лөгөй нэһилиэгиттэн 1941 сыл атырдьах ыйынааҕы 1 – кы уонна 1942 – 1943 – 1944 сылларга 2-лии хомуурдарга барыта 143 чулуу дьоммут барбыттар. Сыл-хонук ааспытын кэннэ көрдөххө, бастакы хомуурга дьоммут саамай чулууларын, үөрэхтээхтэрин ылбыттар эбит.
Бу барбыттартан 69-һа сэрии толоонугар охтубута, онтон 39-һа сураҕа суох сүппүттэрэ. 73 киһи эргиллибититтэн 18 – һа араанньы буолан кэлбиттэрэ.
2 киһи – Гоголев Василий Лукич, 
Попов Роман Константинович 
сэриигэ ылбыт сырҕан баастарыттан Кыайыы кэлээтин кытта 1945 сыллаахха орто дойдуттан бараахтаабыттара.
Бу барбыттартан саамай элбэх наҕараадалаах буойун, Даалыттан - Пермяков Василий Михайлович буолар.
Кини «Албан аат 3 степеннээх», «Кыһыл сулус» орденнарынан, «Хорсунун иһин», «Германияны кыайыы иһин» мэтээллэринэн наҕараадаламмыта. Сэрииттэн аҥаар атахтаах кэлэн, эйэлээх олоҕу көрөн 1968 сыллаахха бу дойдуттан барбыта.
Өссө «Албан аат 3 степенэ» уордьанынан – Бушуев Кирилл Иванович, Прядезников Николай Петрович 2-с;
«Кыһыл сулус» орденынан – Олесов Егор Михайлович; «Хорсунун иһин» мэтээлинэн – Бурнашев Петр Семенович, Нафанаилов Константин Петрович, Павлов Семен Григорьевич – 2-тэ, Прядезников Егор Филиппович наҕараадаламмыттара; «Ленинград оборуонатын иһин» мэтээлинэн – Карамзин Илья Никитич; «Берлины босхолооһун иһин» мэтээлинэн – Олесов Егор Михайлович;
«Германияны кыайыы иһин», «Японияны кыайыы иһин», «Бойобуой үтүөлэрин иһин» мэтээллэринэн, «Аҕа дойду сэриитин 1, 2 степеннээх» орденынан элбэх киһи наҕараадаламмыттара.
- Информация о материале
Аан дойдутааҕы оҕо кинигэтин күнүгэр "Чэчир" уһуйаан улахан уонна бэлэмнэнии бөлөхтөрө кэлэн ыалдьыттаатылар.Оҕолор кинигэ арааһын таптыы көрдүлэр, кинигэ хайдах үөскээбитин туһунан иһиттилэр, остуоруйалары таайдылар, бөлөхтөрүгэр кинигэ уларсан бардылар.Бу видеону баттаан көрүҥ Ол кэннэ Лөгөй лицей-интернат библиотекатыгар 1-8 кылаастарга библиотечнай урок ыытыллынна🤩Оҕолор оҕо кинигэтин күнэ хайдах төрүттэммитин туһунан иһиттилэр, литературнай тургутук таайдылар, өс хоһооннору ситэрдилэр, нууччалыы этиилэри тылбаастаатылар, Аҕа дойду сэриитигэр( Кыайыыга) сыһыаннаах боппуруостарга эппиэттээтилэр,остуол оонньуутугар оонньоотулар👍🏻👍🏻👍🏻 Сэргэхсийэн, күлэн-үөрэн элбэҕи билэн тарҕастылар. 😊
- Информация о материале
Улууска бастакы норуодунай бибилэтиэкэ төрүттэммитэ 100 сылын бэлиэтиир «100 сыл кэрэни, сырдыгы саҕан» дьоро тэрээһин «Ааҕар балаҕантан саҕалаан – куйаар ситимигэр» диэн ааттааммыт быыстапкаттан саҕаланна.
Бу быыстапка саһарбыт маҥнайгы кинигэлэртэн саҕалаан кэми-кэрдиини кытта тэҥҥэ атыллаан, билигин куйаар ситимигэр тиһиллибит кинигэлэри ааҕыахха сөбүн кэпсээтэ.
Үөрүүлээх тэрээһиҥҥэ бүтүн Россия үрдүнэн уонна республикаҕа бибилэтиэкэ эйгэтэ сайдарыгар сүҥкэн кылааты киллэрбит, бибилэтиэкэ туһунан сокуон дойду үрдүнэн мҥнайгынан бигэргэнэрин көҕүлээбит, ситиспит норуот депутата, СӨ Судаарыстыбаннай Мунньаҕын (Ил Түмэн) Бэрэссэдээтэлин бастакы солбуйааччы Александр Жирков, улуус баһылыгын эбээһинэһин толорооччу Илья Артамонов, улуус депутаттарын сэбиэтин бэрэссэдээтэлэ Иннокентий Аммосов, култуура улуустааҕы салалтатын начаалынньыга Сергей Нафанаилов, В.В. Никифоров-Күлүмнүүртэн саҕалаан бибилэтиэкэҕэ көлүөнэттэн көлүөнэҕэ бэриллэ турар ураты харыстабыллаах сыһыаны өрө туппут, кытыы нэһилиэк оҕото киин сиртэн итэҕэһэ суох кинигэнэн, хаһыатынан хааччылларын ситиспит СӨ норуотун хаһаайыстыбатын үтүөлээх үлэһитэ, СӨ духуобунаска академиятын академига Афанасий Мигалкин, СӨ Идэлээх сойуустарын Федерациятын бэрэссэдээтэлэ Николай Дегтярев уо.д.а. эҕэрдэлээн туран, улууспут бибилэтиэкэтин үлэһиттэрин наҕараадалаатылар.
"Мүрү саһарҕата" хаһыаттан ылылынна.
Бу быыстапка саһарбыт маҥнайгы кинигэлэртэн саҕалаан кэми-кэрдиини кытта тэҥҥэ атыллаан, билигин куйаар ситимигэр тиһиллибит кинигэлэри ааҕыахха сөбүн кэпсээтэ.
Үөрүүлээх тэрээһиҥҥэ бүтүн Россия үрдүнэн уонна республикаҕа бибилэтиэкэ эйгэтэ сайдарыгар сүҥкэн кылааты киллэрбит, бибилэтиэкэ туһунан сокуон дойду үрдүнэн мҥнайгынан бигэргэнэрин көҕүлээбит, ситиспит норуот депутата, СӨ Судаарыстыбаннай Мунньаҕын (Ил Түмэн) Бэрэссэдээтэлин бастакы солбуйааччы Александр Жирков, улуус баһылыгын эбээһинэһин толорооччу Илья Артамонов, улуус депутаттарын сэбиэтин бэрэссэдээтэлэ Иннокентий Аммосов, култуура улуустааҕы салалтатын начаалынньыга Сергей Нафанаилов, В.В. Никифоров-Күлүмнүүртэн саҕалаан бибилэтиэкэҕэ көлүөнэттэн көлүөнэҕэ бэриллэ турар ураты харыстабыллаах сыһыаны өрө туппут, кытыы нэһилиэк оҕото киин сиртэн итэҕэһэ суох кинигэнэн, хаһыатынан хааччылларын ситиспит СӨ норуотун хаһаайыстыбатын үтүөлээх үлэһитэ, СӨ духуобунаска академиятын академига Афанасий Мигалкин, СӨ Идэлээх сойуустарын Федерациятын бэрэссэдээтэлэ Николай Дегтярев уо.д.а. эҕэрдэлээн туран, улууспут бибилэтиэкэтин үлэһиттэрин наҕараадалаатылар.
"Мүрү саһарҕата" хаһыаттан ылылынна.
- Информация о материале
Кулун тутар 11 күнүгэр "Ааҕар Лөгөй" түмсүү Федорова М.К. аатынан Баатаҕайдааҕы сельскэй библиотека иһинэн үлэлиир «Эйгэ» түмсүү үлэтин-хамнаһын билсэр, салгыы бииргэ алтыһар сыаллаах баран кэллибит.
«Эйгэ» түмсүү кэрэ эйгэни кэрэхсиир, үгүс үлэни- хамнаһы ыыта олорор, салайааччы библиотекарь Пермякова А.П.
Минньигэс астаах остуол тула олорон ирэ-хоро кэпсэттибит, инники былааны торумнаатыбыт.
🔸Биһиги түмсүүбүт салайааччыта Матвеева М.Д. Саха литературата 125 сылынан «Өркөн өй» оонньуу ыытта. «Эйгэлэр»хамаандаҕа арахсан бэрт сэргэхтик оонньоотулар. Түмүккэ, 1 м - «Сааскылаана», 2 м - «Сааскы мичээрдэр» хамаандалара ыллылар.
Бу киэһэ бэһиэлэй оонньуулары оонньоотубут, ырыа ылбаҕайа ылланна, хоһоон хомоҕойо ааҕыллынна. 👍🏻😍👏🏼👏🏼👏🏼
- Информация о материале
Страница 2 из 12
