Ийэ тыл, сурук-бичик күнүн чэрчитинэн сахалыы таба суруйуу үөрүйэҕин олохсутар, иҥэрэр сыаллаах өрөспүүбүлүкэтээҕи “Сахалыы дьыктаан” аахсыйа быйыл 12 төгүлүн ыытыллынна.
Библиотекаҕа уопсайа 11 киһи кэлэн дьыктааны суруйда. Дьыктаан түмүгүнэн «Бастыҥтан бастыҥ суруксут» Шарина Е.Д., Матвеева М.Д., «Бастыҥ суруксут» Ущницкая В.Г., Капитонова В.К. , «Үчүгэй суруксут» Сысолятин В.Н, Бурнашева Д.Г., Андросова М.Н., Белолюбская У.П., Алексеева М.П., Григорьева М.К., Бурнашева А.А. ааттары ыллылар. Кыттыыны ылбыт ааҕааччыларбытыгар махтанабыт.
Салгыы Бүөтүр Оҕотоойоп аатынан сынньалаҥ кииҥҥэ «Толкуйдаа.Оонньоо.Кыай. » тэрилтэлэр, түмсүүлэр икки ардыларыгар өйү уонна билиини тургутар бэрт сэргэх күрэс буолан ааста.
Күрэххэ биэс хамаанда кыттыыны ылла, 6 түһүмэх кэнниттэн «Чэчир» уһуйаан ветеран үлэһиттэрин хамаандата эрэллээхтик кыайда. II-c миэстэни “Аал уот” түмсүү, III-c миэстэни «Лөгөй нэһилиэгэ» администрация үлэһиттэрин хамаандата ыллылар. Хамаандаларга диплом, сэмэй бэлэхтэр туттарылыныллар.
Саха сайдам тылын, суругун таптыыр, үөрэтэр дьоммутугар махтанабыт.
Саха тыла – норуот тыыннаах буолар сүдү күүһэ, өбүгэлэрбититтэн кэлбит күндү көмүс бэлэх.
«Сахам тыла…» диэн видеороликка оҕолорбут, ааҕааччыларбыт, тэрилтэ үлэһиттэрэ кыттыыны ыллылар.
САХАМ ТЫЛА
Көрүҥ, сэргээҥ!
Библиотекаҕа уопсайа 11 киһи кэлэн дьыктааны суруйда. Дьыктаан түмүгүнэн «Бастыҥтан бастыҥ суруксут» Шарина Е.Д., Матвеева М.Д., «Бастыҥ суруксут» Ущницкая В.Г., Капитонова В.К. , «Үчүгэй суруксут» Сысолятин В.Н, Бурнашева Д.Г., Андросова М.Н., Белолюбская У.П., Алексеева М.П., Григорьева М.К., Бурнашева А.А. ааттары ыллылар. Кыттыыны ылбыт ааҕааччыларбытыгар махтанабыт.
Салгыы Бүөтүр Оҕотоойоп аатынан сынньалаҥ кииҥҥэ «Толкуйдаа.Оонньоо.Кыай. » тэрилтэлэр, түмсүүлэр икки ардыларыгар өйү уонна билиини тургутар бэрт сэргэх күрэс буолан ааста.
Күрэххэ биэс хамаанда кыттыыны ылла, 6 түһүмэх кэнниттэн «Чэчир» уһуйаан ветеран үлэһиттэрин хамаандата эрэллээхтик кыайда. II-c миэстэни “Аал уот” түмсүү, III-c миэстэни «Лөгөй нэһилиэгэ» администрация үлэһиттэрин хамаандата ыллылар. Хамаандаларга диплом, сэмэй бэлэхтэр туттарылыныллар.
Саха сайдам тылын, суругун таптыыр, үөрэтэр дьоммутугар махтанабыт.
Саха тыла – норуот тыыннаах буолар сүдү күүһэ, өбүгэлэрбититтэн кэлбит күндү көмүс бэлэх.
«Сахам тыла…» диэн видеороликка оҕолорбут, ааҕааччыларбыт, тэрилтэ үлэһиттэрэ кыттыыны ыллылар.
САХАМ ТЫЛА
Көрүҥ, сэргээҥ!
- Информация о материале
Олунньу 13 күнэ Саха Сиригэр Төрөөбүт тыл уонна сурук-бичик күнүн быhыытынан бэлиэтэнэр. Саха Ѳрѳспүүбүлүкэтин бастакы Бэрэсидьиэнэ Михаил Ефимович Николаев «Төрөөбүт тыл уонна сурук-бичик күнүн биллэрэр туhунан» 1294 № Ыйааҕа 1996 сыллаахха олунньу 9 күнүгэр тахсыбыта.Бу бэлиэ даата маассабай саха алфавитын тѳрүттээбит саха бастакы лингвист-учуонайа, саха тылынан тахсыбыт бастакы учуобунньуктар ааптардара, тѳрѳѳбүт сахатын тылын чинчийиигэ, сайыннарыыга олоҕун анаабыт уопсастыбаннай диэйэтэл Семен Андреевич Новгородов тѳрѳѳбүт күнүгэр сѳп түбэhиннэриллибитэ.
Төрөөбүт тылбыт күнүгэр анаан "САХА ТЫЛА - ӨРКӨН ӨЙБҮТ" тургутугу киирэн толоруҥ.
- Информация о материале
Ааспыт сыл ахсынньытыгар «Чолбон өй күрэһэ. III улахан оонньуу» бастакы улуустааҕы түһүмэҕэ кэтэхтэн ыытыллыбыта. «Ааҕар Лөгөй” түмсүүттэн Бурнашева Валентина Ивановна, Матвеева Матрена Дмитриевна уонна Борисова Туйаара Иннокентьевна кыттаммыт, кыайыы өрөгөйүн билэн,салгыы өрөспүүбүлүкэтээҕи түһүмэххэ кыттан кэллибит.
Быйылгы «Чолбон өй күрэһэ» сурунаал төрүттэммитэ 100 уонна бастакы эрэдээктэр А.И.Софронов- Алампа төрөөбүтэ 140 сылларыгар ананна.
Тохсунньу 28 күнүгэр, ааспыт сыл өрөспүүбүлүкэбит араас муннуктарыттан 63 хамаанда күөн-көрсүүтүн түмүгүнэн, бастыҥнар ааттарын ылан, 9 хамаанда - Тааттаттан “Дьохсоҕон далбардара”, Хаҥаластан «Малдьаҕар», Горнайтан «Ойуур ууһа», Бүлүүттэн «Хампа», Уус Алдантан “Ааҕар Лөгөй”, Чурапчыттан «Үргэл”, Намтан «Хомустаах”, Дьокуускайтан “Саха салаата 07”, Мэҥэ Хаҥаластан “Эркээйи” кыттыыны ыллыбыт.
Бэрт сэргэх тургутуктартан турар оонньуу 4 түһүмэҕинэн барда: саха литературатын төрүттээччилэр, бастакы норуодунай суруйааччылар, сэрии саҕанааҕы уонна кэннинээҕи литература уонна билиҥҥи кэм суруйааччылара. Бу түөрт түһүмэх түмүгүнэн «Кылаан тургутук» оонньууга кыттар хамаандалар ааттара трибуна үрдүк чыпчаалыттан дуорайда. Ол курдук, Уус Алдантан «Ааҕар Лөгөй» уонна Мэҥэ Хаҥаластан «Эркээйи», Дьокуускайтан «Саха салаата 07» ,Чурапчы улууһун «Үргэл» хамаандалара үөрүү үрдүк өрөгөйүн биллибит.
Тохсунньу 29 күнүгэр, «Саха» НКИХ ханаалыгар кылаан кыайыылааҕы быһаарар түмүк оонньуу быһа эфиринэн буолла. Күрэх эмиэ түөрт түһүмэҕинэн ыытыллынна. «Айымньылар ааттарын салҕааһын», «Ырыа тылын ааптарын таайыы”, “Айымньыттан быһа тардыыны таайыы», “Видеонан ыйытыыга” хоруйдааһын. Тыҥааһыннаах оонньуу түмүгүнэн, «Саха салаата 07» 23 баалы ылан кылаан кыайыылаахтар буоллуллар. «Ааҕар Лөгөй» - 22 , «Эркээйи» 18, «Үргэл» - 16 бааллары ыллыбыт.
Күрэс олус интэриэһинэйдик, тыҥыыһыннаахтык ааста. Хамаандалар биир киһи курдук түмсүүлээхтик кытынныбыт. Хас биирдии кыттааччы саҥаны билэн-көрөн тарҕастыбыт.
Саха литературатын таптааҥ, сэргээҥ! Кэлэр күрэскэ билиигитин тургутан көрүҥ, кыттыҥ диэн ыҥырабыт!
- Информация о материале
Страница 4 из 19
