Аан дойдутааҕы оҕо кинигэтин күнүнэн, биһиэхэ «Чэчир» уһуйаантан улахан бөлөх оҕолоро кэлэн ыалдьыттаан бардылар. Оҕолор библиотеканы кытта билистилэр, элбэх кинигэ, сурунаал көрдүлэр. «Остуоруйа дойдутугар» оонньуу оонньоотулар уонна библиотекаҕа баар саамай кыра уонна улахан кээмэйдээх кинигэлэри көрөн сөхтүлэр. Өссө музейга сылдьан урукку кэм иһитин-хомуоһун, туттар тэрилин, оонньуурдарын көрдүлэр. Кырачаан ыалдьыттарбыт үөрэн-көтөн, элбэҕи билэн уһуйааннарыгар төннүбүттэрэ.