Муус устар 13 күнүгэр "Ааҕар Лөгөй" түмсүү актива Даалыга баран кэллэ. Бу тэрээһини кэлээри турар Өрөспүүбүлэкэбит күнүгэр анаатыбыт. Түмсүү сал.Матвеева М.Д.түмсүү үлэтин сырдатта, Өрөспүүбүлүкэ хайдах тэриллибитин туһунан кылгас иһитиннэрии оҥордо. Онтон улуустар гербэлэрин төһө билэҕиҥ?-оонньуу ыытылынна. Библиотекарь Борисова Т.И. "Кини кимий?" - оонньууну ыытта.Манна Заболоцкая В.Е., Черноградская Т.Н.элбэҕи билэллэрин көрдөрдүлэр. Бурнашева В.И. "Хоһоон суһума" - телевизионнай биэриигэ хайдах кыттыбытын кэпсээтэ, хаартыскаларын көрдөрдө. Бу сыл аайы ыытыллар проекка ким баҕарар кыттыан сөбүн эттэ. Таксилаан барбыт Новгородов А.И. араас омук флейталарынан хайдах үлүһүйбүтүн, инструменнарын булбутун, оонньуу үөрэммитин кэпсээтэ, оонньоон көрдөрдө. 7-8 сыл үөрэнэн, быйыл өрөспүүбүлүкэ артыыстарын кытта улахан сценаҕа тахсыбытын кэпсээтэ, саҥа клип оҥоһулларын эттэ. Даалылар аҕыйах да буоллалар, араас тэрээһиннэри ыыталларын, дьарыктаналларын кэпсээтилэр. Библиотека илпит кинигэлэрин көрдүлэр. Сылаас чэйдээх остуол тула үөрэ-көтө сэһэргэһэн, икки өттүттэн астынан тарҕастыбыт.