Биһиги «Ааҕар Лөгөй» түмсүү, быйылгы дьылга үлэбитигэр нэһилиэнньэ киэҥ араҥатын хабаары, 3 түһүмэхтээх «Лөгөй — өркөн өй» тургутук-оонньуу ыытарга былааннаммыппыт.2028 сылга Кэптэни бөһүөлэгэ тэриллибитэ 100 сылын көрсө «Нэһилиэгин историятын аах, бил, үөрэт» оонньуунан саҕалыахха диэн сүбэлэспиппит. Онтон ахсынньы саҕатыгар «Улууспут историята» уонна муус устарга «Сахам сирин таптыыбын» оонньууларынан түмүктүүбүт.
Бастакы оонньуубутун, алтынньы 21 күнүгэр ыыттыбыт. 7хамаанда : ЛЛИ (дир.Пахомов М.С.),Чэчир уһуйаан (:сэб.Борисова Н.А),администрация ‘(солб.баһылык Чирикова С.Н.),балыыһа (сал.Петухова Р.Н.)Даалы (сал.Заболоцкая В.Е.), «Аал уот» саастаахтар түмсүүлэрэ (сал.Бурнашева У.И), «Сардаҥа» түөлбэ (сал.Яковлева М.В.) 3-түү киһилээх хамаандалара нэһилиэктэрин историятын билиигэ илин-кэлин түһүстүлэр.
Оонньуубут. 4 түһүмэхтээх:
1 Нэһилиэк историятыттан;
2 Лөгөйдөр Аҕа дойду сэриитигэр;
3 Лөгөйгө үөрэҕирии сайдыыта;
4 Киэн туттар дьоммут.
Эрийсиилээх киирсии түмүгүнэн, ЛЛИ хамаандата бастаата. 2-3 миэстэлэри Аал уот түмсүү уонна Сардаҥа түөлбэ үллэһиннилэр. Хамаандалар бу 3 оонньууга барытыгар оонньуохтаахтар, уопсай түмүк 3 оонньуу түмүгүнэн аны саас тахсыа.
Кыттааччылар элбэҕи билбиттэриттэн астынан тарҕастылар. Тэрийээччилэр кыттааччыларга улахан махталбытын биллэрэбит.
