Кулун тутар 8 күнэ - Аан дойдутааҕы дьахтар күнэ. Күн-күбэй ийэлэри, эйэҕэс эбээлэри, кэрэчээн кыргыттары бука барыгытын ис - сүрэхтэн эҕэрдэлиибит! Сааскы маҥнайгы бырааһынньык аҕаллын эһиэхэ үөрүү-көтүү өрөгөйүн! Сырдыы сыдьаайа сылдьыҥ, үтүөкэн сэбэрэҕитин күлүк санаа күлүктээбэтин!❤❤❤ Хара суһуохтаах хара харахтаах, Арыы саһыл хааннаах, уран ньуурдаах Биһиги кыталык кыргыттарбыт, Биһиги ырыаһыт ымыыларбыт,Биһиги Туйаарыма КУоларбыт, Биһиги ньургуһун тапталларбыт! Эһиги манна баар буолаҥҥыт, эһиги мичээрдиир буолаҥҥыт, Тоҥмоттор бу дьыбар дойдутугар Тохсунньу тоһуттар да тымныытыгар Бу намылыспыт нарын хахыйахтар, Бу наҥнаспыт намчы харыйалар, Бу чагда тыалар, бу сыһыылар, Бу ходуһалар,бу хара хадьымаллар. Кэрэ Өлүөнэбит добун хочото, Күн-түүн киэркэйэрин туһугар, дьол толорута, олох уйгута Тупса туругурарын туһугар Тунулҕаннаах ньуургут суһуктуйбатын, Күн мичээргит күлүктэммэтин, Биһиги Ньургуһун тапталларбыт, Биһиги Туйаарыма Куоларбыт! ❤❤❤ Саха народнай поэта Семен Петрович Данилов хоһоонун бэлэх уунабыт!