Алтынньы үһүс баскыһыанньата Саха сиригэр – Ийэ күнэ. Бу үөрүүлээх күнү Кэптэни «Кэрэли» эдэр ийэлэрин түмсүүтэ бэлиэтээтэ. Минньигэс астаах остуол тула олорон элбэҕи сэһэргэстилэр, түмсүү инники былаанын быһаарыстылар, араас оонньуулары оонньоон сэргэхсийдилэр. Бу бэлиэ күнүнэн “Эһиэхэ күн-күбэй ийэлэргэ” кинигэ быыстапката турда. Күндүттэн күндү, кэрэттэн кэрэ күн күбэй ийэлэрбитин өссө төгүл эҕэрдэлиибит!